Derimot: Ny studie: Ansiktsmaske er skadelig for helsa.
derimot.no:
Maskerte får lettare covid
av Simone Gold, M.D., J.D.
Grunnleggar & president av America’s Frontline Doctors
den 9. desember, 2023
Det er verre enn vi trudde.
Ein ny studie publisert i Cambridge University Press finn at bruk av munnbind kan gi auka risiko for å få covid.
Grove estimat viser høgare førekomst av positive COVID-19-testar i grupper som oftare brukar munnbind … Risikoen var i snitt 1,74 (mellom 1,38 og 2,18) gongar høgare for dei som brukte munnbind ofte eller iblant, samanlikna med deltakarar som rapporterte at dei aldri eller nesten aldri brukte munnbind.
Med andre ord har personar som alltid eller ofte brukte munnbind ein 75% høgare risiko for å teste positivt for COVID-19 enn dei som aldri eller svært sjelden brukar munnbind.
Det er viktig å merke seg at dette er grove estimat, og at andre faktorar kan påverke dei observerte forskjellane i risiko. Men dette er likevel dårleg nytt for forkjemparane for obligatorisk munnbindbruk, særleg etter den nylege tyske studien om farane med å kontinuerleg puste inn att karbondioksidet ein har pusta ut.
Under dei første månadane av pandemien, skreiv eg ofte om kor lite effektivt det var å bruke munnbind, og om den endå meir problematiske sosiale kontrollen som fann stad og trua våre individuelle fridommar. I 2020 skreiv eg dette:
“Den vitskapelege nytten av munnbind har blitt så aggressivt overdriven, og den fundamentale viktigheita til Grunnlova har blitt så aggressivt underdriven, at vi har normalisert ein tilstand der folk skrik uanstendige skjellsord etter kvarandre på gata.
Det å ikkje bruke munnbind, er ikkje berre eit ’personleg val’ – som å bestemme kva hovudplagg eller T-skjorte ein skal ta på seg. Poenget med det å vere eit fritt menneske, er at ein underordnar seg eit styre, men ikkje å bli herja med. Vi samtykker ikkje til eit maskert USA, fordi det er ei grunnleggande endring av USAs samfunn, kultur, normer og rettar.”
Dette er eit døme på fridomsbasert leiarskap i opposisjon til ei regjering som er fast beslutta på å grabbe makt. Styresmaktene presenterte manipulerte data for å skape frykt i folket, og det fekk folk til å frivillig gi avkall på fridommane sine. Vi treng leiarar som støttar Grunnlova – og som så bruker sunn fornuft for å kome fram til sunne politiske retningslinjer.
Vi må sikre ei framtid der bevisbaserte avgjerder vinn fram, og der velferda i samfunnet er viktigare enn politikk.
Fritt omsett av Monica Sortland
Merknad: Det er no starta ein norsk organisasjon for korona-vaksineskadde som ikkje har fått gehør hos styresmaktene. Den er også open for andre som sympatiserer: VaxVeritas, og medlemskapet kostar ingenting.
Forsidebilde: Anna Yablonskaya
