Derimot: Ny forskning: Smart-telefon i for tidlig alder kan få alvorlige psykiske konsekvenser. – Derimot
derimot.no:
Vi har hentet dette innlegget fra Saksyndig som reiser en viktig problemstilling. Hva vil den utstrakte bruken av smarttelefon føre til over tid for de som vokser opp med dette fra tidlig alder. Jeg vet ikke noe sikkert om dette, men det er viktig at dette forskes på slik at vi skaffer oss mer kunnskaper om dette nye fenomenet.
Personlig tror jeg at direkte fysisk og sosial kontakt er den naturlige formen for relasjoner mennesker imellom – det er den jeg har vokset opp med og kjenner – naturligvis. Brytes denne formen vil det kunne oppstå fenomener vil ikke forutser før nå. Men med nye fenomener er det ikke alltid like lett å beregne hvilke langsiktige følger det vil kunne få.
Artikkelen under er i det minste et innlegg for ettertanke. Om alt som fremheves er korrekt er en annen sak.
Knut Lindtner
Redaktør
Bruk av smarttelefon i barndommen knytt til alvorlege personlegdomsforstyrringar hjå unge damer
Ukritisk og overdriven bruk av smarttelefon kan få mange negative konsekvensar, mellom anna auka risiko for nærsyntheit, mental utmatting, og ikkje minst at denne tidstjuven gjer at ein ikkje får høvet til å utvikle andre og meir nyttige evner, slik som å lære seg ein sport, å spele eit instrument, eit framandspråk, grunnleggjande reparasjonsarbeid, og so bortetter. Faren for psykiske og psykologiske konsekvensar er òg til stade. Global Mind Project har offentleggjort ein banebrytande studie som avslører ein direkte samanheng mellom bruk av smarttelefon i barndommen, og alvorlege personlegdomsforstyrringar hjå unge damer. Nesten halvparten av dei som fekk sin fyrste smarttelefon i ein alder av fem eller seks, opplever no sjølvmordstankar og langsiktige emosjonelle lidingar. Å bli tidleg innvigd i den sokalla digitalkulturen risikerer å forstyrre utviklinga av hjernen, noko som fører til omfattande kognitiv og sosial dysfunksjon når barna blir vaksne.
Sean Adl-Tabatabai på nettstaden The People’s Voice skriv (Saksyndig si omsetjing):
«Forskinga, som vart publisert no i juli i Journal of Human Development and Capabilities [«tidsskrift for menneskeleg utvikling og evner»], spurde ut meir enn 100 000 individ i alderen 18 til 24 i 163 land, der dei fokuserte på Generasjon Z – den fyrste kohorten som voks opp med smarttelefonar og sosiale media frå barnsbein av. Global Mind Project, leia av nevrovitskapskvinne dr. Tara Thiagarajan ved Sapien Labs, baserte seg på data frå nesten to millionar menneske for å vurdere effekten som tidleg eksponering for [digitale] apparat har på mentalhelsa, og set søkjelys på korleis dei forstyrrar emosjonell regulering, sosiale ferdigheiter og kognitiv utvikling på måtar som varer til vaksenlivet.
Natural News rapporterer: Den avslører eit konsekvent og urovekkjande mønster: dess tidlegare eit barn får sin fyrste smarttelefon, dess meir alvorleg blir deira mentalhelseproblem innan dei blir unge vaksne. Blant dei mest alarmerande funna: 46% av unge kvinner som fekk sin fyrste smarttelefon i alderen fem eller seks, rapporterer no om sjølvmordstankar, samanlikna med berre 26% av dei som venta til dei vart 13 eller eldre. For menn er raten òg auka, og har stige frå 17% til 28% avhengig av kor gamle dei var då dei fekk sin fyrste smarttelefon.
Mentalhelsevelvære-poengsummar, basert på ein skala som har i seg 47 psykologiske funksjonar, fall dramatisk basert på alderen for fyrste smarttelefonbruk. Dei som fekk sin fyrste telefon i 13-årsalderen scora eit gjennomsnitt på 30 poeng på skalaen. For dei som fekk smarttelefonar då dei berre var fem år gamle, fall poengsummen til berre 1.
Andre alvorlege symptom, inkludert hallusinasjonar, røyndomsdissosiasjon og emosjonell feilregulering, var betydeleg vanlegare blant tidlege smarttelefonbrukarar. Unge kvinner var spesielt sårbare, og viste vesentleg høgare ratar av sjølvbilete-problem, emosjonell ustabilitet og minka motstandsdyktigheit. Unge menn, i kontrast til dette, rapporterte om større problem med empati, og med å halde seg rolege og emosjonelt stabile.
Medan forfallsmønsteret er globalt, viste engelskspråklege land, spesifikt USA, Storbritannia, Canada og Australia, dei mest alvorlege effektane i forhold til jamaldrande i Afrika, Sør-Asia og Midtausten. Forskarar skriv dette til både tidlegare gjennomsnittleg smarttelefon-tileigning og ‘eit større volum av skadeleg, hyperseksualisert eller utnyttande innhald’ i engelskspråklege digitale rom, drivne av KI-styrte sosialmedie-algoritmar.
Studien fann òg ut av sjølv om smarttelefonar er leveringsmekanismen, ser sosiale media ut til å drive mykje av skaden.
Sosialmedie-tilgang forklarer rundt 40% av samanhengen mellom tidleg smarttelefonbruk og dårlege mentalhelse-utfall. Cybermobbing (10%), forstyrra familieforhold (13%) og søvnforstyrringar (12%) spelte òg betydelege roller, der mange vart forverra av sosialmedie-plattformer som oppmuntra til engasjement heile døgnet. Søvn, spesifikt, dukka opp som ein kritisk faktor. Barn med tidleg smarttelefontilgang opplever ofte betydeleg søvnforstyrring, ikkje berre på grunn av sosiale media, men frå dataspel, strøyming og andre skjermbaserte aktivitetar.
Forfattarane oppmodar lovgjevarar til å skape aldersrestriksjonar på smarttelefonar
Som respons på desse funna ber forskarane om generelle endringar i retningslinjer for å regulere barns tilgang til smarttelefonar og sosiale media.
Tilrådingane deira inkluderer minimumsalder-restriksjonar for å eige smarttelefon og få tilgang til sosiale media, helst ikkje tidlegare enn 13 år; obligatorisk digitalferdigheitsutdanning før barn kan få tilgang til sosialmedie-plattformer; gradert tilgangsrestriksjon, der yngre barn berre kan bruke grunnleggjande telefonar utan internett eller sosialmedie-appar; og strengare handheving av aldersgrenser og straff for selskap som ikkje lyder.
‘Akkurat som vi har restriksjonar på alkohol, tobakk og motorkøyretøy-føring for unge vaksne og vaksne basert på risikoen dei utgjer for sinn og kroppar i utvikling, burde vi òg leggje restriksjonar på smarttelefonar og sosiale media under dei kritiske utviklingsåra,’ hevda forfattarane.»
Forsidebildet er KI-generert
