Derimot: Kortnyheter fra hele verden: Skulle paven blitt valgt av alle katolikkene i hele verden?
derimot.no:
Voltairenet.org sitt ukentlige nyhetsbrev kan det abonneres på. Det bringer kortnyheter fra hele verden og foreligger i engelsk utgave, men ikke på norsk. Vi publiserer en del av dette nyhetsbrevet her på derimot.no. Her er noen av nyhetene fra forrige uke. Vår erfaring er at dette er ikke rykter eller spekulasjoner, altså vridd informasjon, men referater fra faktiske begivenheter.
Vå erfaring er også at våre store medier siler hva folk skal få vite. Det finnes nyheter befolkningen ikke har «godt av». Denne formen for forhånd-sensur fører til at forståelse og beslutninger gjøres på sviktende grunnlag, noe som er til skade for landet vårt. Særlig i dag når verden går gjennom en politisk «elte-digel», en gjennomgripende omformingsprosess, er det viktig at vi vet hva som er i ferd med å skje.
Til skade for landet vårt, Norge, forsetter våre politikere som om det er den verden som eksisterte for 30 år vi lever i. Men det er det ikke. Tvert imot endres alt nå nærmest fra dag til dag. Og utenrikspolitisk uenighet eksisterer ikke på Stortinget ser det ut til. Det er ganske utrolig.
Knut Lindtner
Redaktør
Australia skal utstyrast med atomdrivne ubåtar
Australias statsminister Anthony Albanese og hans britiske motpart Rishi Sunak hadde møte med USAs president Joe Biden på San Diego-militærbasen (California, USA). Dei vart samde om at Australia, som ein del av AUKUS-alliansen, skulle kjøpe minst fem atomdrivne ubåtar (men ikkje atomvåpen). I sluttkommunikeet sitt skreiv dei: «Planen vår aukar den industrielle kapasiteten til dei tre landa til å produsere og drifte interoperative atomubåtar i fleire tiår framover, den ekspanderer vårt individuelle og kollektive ubåtsnærvær i Indo-Stillehavet, og bidrar til global tryggleik og stabilitet. Vi trur på ei verd som vernar om fridom og respekterer menneskerettar, lov og orden, suverene statars uavhengigheit og ein regel-basert internasjonal orden.
Submarine Rotational Force West er forventa å vere operasjonell så tidleg som i 2027, sjølv om nokre ubåtar blir leverte først seinare.
For Kina er AUKUS eit typisk instrument for kaldkrigsmentaliteten. Dei utgjer ein alvorleg risiko for kjernefysisk spreiing og bryt avtalen om ikkje-spreiing av atomvåpen.
Kongressen vil finne ut meir om opphavet til Covid-19
Senatet har godkjent eit lovutkast frå Huset om å avgradere alle dokument relaterte til opphavet til Covid-19. Utkastet er støtta av både Republikanarar og Demokratar. Det krev at direktøren for National Intelligence, Avril Haines, skal legge fram alle dokument fra dei ulike etterretningsbyråa som vedrører emnet innan 90 dagar.
To månadar før Covid-utbrota starta i Kina, deltok Avril Haines i ei Davos Forum-simulering som skulle «planlegge responsen til transnasjonale korporasjonar og regjeringar på eit koronavirusutbrot».
USAs «sensur-industrielle kompleks»
Husets særskilde komite for utgreiing av militariseringa av den føderale regjeringa (House Special Subcommittee on Weaponization of the Federal Government) heldt si høyring nummer to den 9. mars. Blant dei som vitna, var journalistane Matt Taibbi og Michael Schellenberger, dei to som fekk tilgang til og løyve til å publisere Twitter-filene (ca. 20 minutt inn i høyringa). Dei vitna om at den føderale regjeringa har innført eit «sensur-industrielt kompleks».
Honduras anerkjenner Folkerepublikken Kina
Honduras avslutta sine diplomatiske relasjonar med Taiwan, anerkjennande at øya er ein del av Folkerepublikken Kina. Taiwan er no anerkjent av berre 13 av FNs 193 medlemsstatar.
Alt raknar mellom Nicaragua og Vatikan-staten
Nicaraguas president Daniel Ortega sa i slutten av februar:
«Folket burde velge kardinalane, og det burde haldast avrøysting blant katolikkane … slik at også paven blir vald, ved ei direkte folkerøysting, slik at det blir folket som bestemmer, og ikkje mafiaen som er organisert i Vatikanet».
I eit intervju på den argentinske nettstaden Infobae, svarte pave Franz:
«Med respekt å melde, så har eg ikkje anna val enn å tru at personen ved makta [Daniel Ortega] er mentalt ubalansert. (…) det er som å bringe tilbake 1917-kommunistdiktaturet, eller 1935-Hitleristdiktaturet, bringe dei tilbake. … Dei er ein type krasse (crass) diktatur».
Nicaragua vurderer å suspendere sine diplomatiske relasjonar med Vatikanet.
Demonstrasjon for nøytralitet i Bulgaria
Tusentals bulgararar deltok i demonstrasjonen «Bulgaria – Fredssone» i Sofia den 12. mars. Dei kravde streng nøytralitet i forhold til krigen i Ukraina.
Alliansen mellom USA og Ukraina sprekk i saumane
• Ifølge Politico uroar Pentagon seg over at Ukraina, som kastar bort så mykje våpenkraft på Artemovsk/Bakhmut, ikkje lenger vil ha nok våpen til å utføre motoffensiven sin når det vårast. Sprekka i USA/Ukraina-alliansen utvidar seg.
• Biden-administrasjonen nektar å overlevere bevisa dei måtte ha om russiske krigsbrotsverk til Den internasjonale straffedomstolen, offisielt fordi Washington ikkje anerkjenner denne domstolen, men alle lurar på om desse bevisa eigentleg finst.
• USA vil ikkje greie å halde oppe sponsinga av Ukraina i same tempo som no. Den nye Republikanar-majoriteten i Huset opponerer mot finansieringa.
• Mange ekspertar i Biden-administrasjonen uttrykker uro over at president Zelensky krev å få tilbake Krim før eventuelle fredsforhandlingar kan starte.
Kor mange sub-Sahara-afrikanarar ønsker å emigrere frå Libya ?
Leiaren for den parlamentariske gruppa til Det italienske brorskapet, Tommaso Foti, sa til Tgcom24 at Italias hemmelege tenester estimerer at 680 000 migrantar som prøver å nå Europa blir haldne tilbake i Libya. Talsmann for Den internasjonale organisasjonen for migrasjon sa at han trur talet samsvarer med talet på migrantar i Libya, men dei fleste er framandarbeidarar, og svært få prøver å krysse grensa til Italia.
Før NATO tok Libya var landet heim for ein million framandarbeidarar, dei fleste frå sub-saharisk Afrika. Men i dag er situasjonen svært farleg for dei, ettersom NATO har late Sanoussi-brorskapet re-etablere svart slaveri.
Massive demonstrasjonar mot Benjamin Netanyahus koalisjon
Hundretusentals israelarar demonstrerte i landet mot statskuppet til Benjamin Netanyahu si koalisjonsregjering. Opposisjonsleiaren Yair Lapid talte til massane og sa at Israel «står framfor den største krisa i historia … Ei bølge av terrorisme råkar oss, økonomien kollapsar, pengar flyktar frå landet. Iran signerte ein ny avtale med Saudi-Arabia i går. Men det einaste denne regjeringa bryr seg om er å knuse det israelske demokratiet.»
Moshe Karadi, ein tidlegare politisjef, sa: «Israel står framfor ein fare dei ikkje har møtt sidan uavhengigheitskrigen i 1948 … Ben-Gvir, ein dømd kriminell, fortset med ei fiendtleg overtaking av politiet, og prøver å forvandle det til ein privat milits som skal tene hans eiga politiske sak.»
Ali Khamenei benåda 22 000 fangar
Øvste revolusjonsleiar Ayatollah Ali Khamenei benåda 22 000 personar som vart arresterte og fengsla under protestane mot slør-krava.
Irans reaksjon på avtalen med Saudi-Arabia
General Yahya Rahim Safavi, ein rådgivar for Irans øvste leiar om militære saker, kalla avtalen mellom Iran og Saudi-Arabia
«eit politisk jordskjelv for USA … Denne politiske semja markerer starten på slutten for USAs overherredøme i regionen … Med avtalen mellom Teheran og Riyadh, har post-USA-fasen byrja i Golf-regionen.» Knutemann2
Generalen snakka om Saudi-Arabias komande tilslutning til Shanghai Cooperation Organization.
Pakistans regjering klar for å avrette Imran Khan
Væpna politi skaut mot Zaman Park-residensen til eks-statsminister Imran Khan i Lahore. Imran Khan er disippel av den iranske filosofen Ali Shariati, ven av Jean-Paul Sartre og Franz Fanon. I sitt politiske program var han inspirert av prinsippa som Muhammad bygde staten Medina på: rettferd, likskap, medlidenheit og velferd for alle innbyggarane, uavhengig av religiøs, etnisk eller sosial bakgrunn. Han fokuserte på to prioritetsområde: tilgang til utdanning og kampen mot korrupsjon. Han vart kasta av parlamentet til fordel for Shahbaz Sharif, som har vore sikta i mange korrupsjonssaker, men støtta av Vesten.
Henta frå nyheitsbrevet Voltaire, International Newsletter – N°32 – 17. mars, 2023
Fritt omsett av Monica Sortland
Forsidebilde: Jorge Zapata
